Ne kërkojmë të krijojmë një mënyrë të drejtpërdrejtë përfaqësimi, e cila përbëhet nga vetë banorët. Ne e dimë se për të rritur ndërgjegjjen qytetare duhet shume punë dhe organizim, por ne jemi plotësisht të gatshëm për punë dhe kemi eksperiencë të mirë në organizimin komunitar. Prandaj kërkojmë të eksplorojmë mundësitë aktuale brenda komunitetit tonë, të motivojmë anëtarët e tij dhe të nxjerrim në pah vlerat pozitive të çdo lagjeje. Nëpërmjet realizimit të këtij projekti ne duam të japim një shembull të mirë për pjesëmarrjen e komunitetit në aksione konkrete dhe në vendimmarrje.
